Nakadiskubrehan sa usa 60-anyos nga lalaki, sa nasud sa Japan nga ang iyang tibuok kinabuhi usa ka sayop tungod sa ospital.
Kahibaluan nga natawo siya niadtong 1953 sa San-Ikukai Hospital sa Tokyo. Apan sa wala madugay human sa pagkatawo, aksidente siyang nabalhin sa laing bag-ong natawo nga bata.
Ang lalaki natawo sa usa ka adunahang pamilya, apan sa usa ka sayop sa ospital siya nabalhin sa kabus nga single mother.
Nagdako siya nga nagkalisod, nagpuyo sa usa ka gamay nga apartment ug nagsugod sa pagtrabaho nga bata pa aron makatabang sa pagsuporta sa panimalay.
Samtang, ang laing bata gipadako sa iyang biological parents, nagdako sa kaharuhay, nakakuha og mas maayong edukasyon, ug sa ulahi nahimong pangulo sa usa ka kompanya sa real estate.
Ang kamatuoran migawas lang paglabay sa mga dekada, human namatikdan sa mga miyembro sa adunahang pamilya nga ang lalaki nagdako nga daw ilang igsoon lahi ra kaayo kanila.
Sa katapusan, ang DNA testing nagpadayag sa sayop. Gipasakaan og kaso sa lalaki ang ospital, ug ang korte sa Tokyo nagmando og bayad.
Apan matod sa biktima, walay kantidad sa kwarta nga makabalik sa kinabuhi nga iyang nawala.
Photo Courtesy:ISTOCK
