Gitubag ni showbiz insider Ogie Diaz ang mga nagbatikos kaniya human niyang gibutyag ang ilang tsika mahitungod sa Kapamilya actress nga si Bela Padilla. Matod pa, sa usa ka episode sa “Showbiz Updates” bag-ohay lang, giingon ni Ogie nga matod pa nagpa-arte o nagpa “Ate Chona” si Bela sa set sa usa ka action-drama series nga “Blood vs Duty.”
Dugang pa nga gitawag matod kini nga “retarded” ang iyang kauban sa “Blood vs. Duty” nga si Baron Geisler. Nunot niini, nakadawat si Ogie og daghang batikos tungod sa iyang mga gipanghisgutan mahitungod kang Bela.
Apan sumala kang Ogie, wala siya maghimo-himo og istorya o nag-imbento lamang. Dugang pa niya, dili lang siya basta nagreact og artista, kundili naghatag usab siya og leksyon o pahimangno sa ubang artista aron masayran nila nga dili sila basta mahimong arogante o magpa-attitude kay posible kining makaabot kaniya.
Sa pagkakaron, wala pa’y reaksiyon o opisyal nga pahayag si Bela kalabot sa mga giingon ni Ogie batok kaniya.
Photo Courtesy: IMDb
