Mokabat sa 28 milyones ka mga estudyante ang gilauman sa Department of Education (DepEd) nga magpalista ug mosulod sa klase karong school year 2026-2027.
Gibutyag ni Jocelyn Andaya ang Assistant Secretary sa DepEd nga andam sila sa pag atubang sa mga gidaghanon sa mga estudyante og aduna usab igong mga teaching personnel isip maoy motabang sa pagtudlo sa mga pampubliko sa elementarya ug sekondarya nga mga tunghaan.
Dugang pa, nga adunay pipila ka mga tulonghaan ang nagkinahanglan pa ug dugang nga mga magtutudlo samtang ang uban adunay sobra nga mga personnel.
Sa pinaka bag-ong ratio sa DEPED adunay usa ka magtutudlo sa matag 35 ka estudyante sa elementarya ug usa ka magtutudlo sa matag 45 ka estudyante sa sekondarya, samtang sa Classroom ratio adunay usa ka classroom alang sa matag 32 ka estudyante sa elementarya. Usa sa matag 39 ka studyante sa junior high school ug usa sa matag 36 ka estudyante sa senior high school.
Base sa kasamtangang teacher-to-student ratio sa DepEd, adunay usa ka magtutudlo sa matag 35 ka estudyante sa elementarya ug usa ka magtutudlo sa matag 45 ka estudyante sa sekondarya.
Prayoridad sa DEPED nga mahatagan og kalidad nga edukasyon ang mga estudyante sa nasud pinaagi sa paghatag sa hustong mga magtutudlo ug pasilidad aron matubag ang problema sa nagkadaghang magtutungha nga mipalista karong tuiga.
Photo Courtesy: PressOne.ph
