Giaprobahan na sa House of Representatives sa ikatulo ug katapusang pagbasa niadtong Martes ang House Bill No. 9461 kun “Child Online Safety and Protection Act of 2026,” nga nagtumong sa pagpalig-on sa proteksyon sa mga bata batok sa online sexual abuse ug uban pang pagpangabuso online.
Ang maong balaodnon laumang lugwayan sa Republic Act No. 11930 aron maapil sa depinisyon sa crime content nga gimugna gamit ang Artificial Intelligence (AI), synthetic, ug digitally manipulated deepfakes nga nagagamit sa mga bata.
Naaprobahan ang maong balaodnon pinaagi sa boto nga 284 nga pabor, walay supak ug walay abstention nga gipasa mga magbabalaod nga usa sa mga prayoridad nga lakang sa Legislative-Executive Development Advisory Council (LEDAC).
Kabahin niini, gipasabot usab nga ang mga online grooming, sexual extortion, ug livestreamed nga pagpahimulos sa mga bata posibleng silotan ug makulong hangtod sa 20 ka tuig o makamulta sa dili moubos P2 milyones ka pesos. Samtang ubos sa maong balaodnon, hatagan og gahum ang mga otoridad sa pag-block ug pagtangtang sa mga ilegal nga website ug account.
Ang National Council for Child Online Safety and Protection pagatukuron usab ubos sa Department of Justice (DOJ), uban sa National Child-Safety Command and Operations Service isip operational arm alang sa imbestigasyon ug mga operasyon batok sa mga sindikato.
Photo Courtesy: congress.gov
