Dakpan sa mga otoridad ang usa ka alyas “Moy Moy” atol sa gipatuman nga hiniusang buy-bust operation sa Manay, Davao Oriental pasado alas 11:13 sa gabii niadtong nakalabay nga adlaw.
Ang operasyon gihimo sa mga sakop sa Provincial Drug Enforcement Unit (PDEU), 1st Davao Oriental Provincial Mobile Force Company, Manay Drug Enforcement Unit ug sa koordinasyon sa lain pang mga law enfoforcement units.
Narekober sa mga otoridad gikan sa suspetsado ang 4 ka pakete sa gituohang shabu, uban ang Php 1,000 nga marked buy bust money ug usa ka plastic container. Sa panahon sa pagdakop anaa ang presensya sa mga testigo ug sa suspek mismo kinsa gipahibalo sa rason sa iyang pagkasikop.
Ang mga nakumpiskang illegal nga droga gibana-banang motimbang sa 5 gramos ug adunay standard drug price nga Php 34,000.00. Sa pagkakaron ang dinakpan anaa na sa kustodiya sa kapulisan alang sa dugang imbestigasyon ug laboratory nga examinasyon.
Photo Courtesy: Manay MPS
