Gipagawas na sa Department of Trade and Industry (DTI) ang School Supplies Price Guide alang sa School Year 2026-2027 aron giya sa mga ginikanan ug konsumidor sa pagpamalit sa mga gamit pang-eskwela.
Ang price guide naglakip sa presyo sa nagkalain-laing school supplies sama sa notebook nagdula sa ₱13 hangtod ₱52, samtang ang mga pad paper nagkantidad og ₱13 hangtod ₱69.75. Alang sa mga gamit sa pagsulat, ang mga lapis mapalit gikan ₱12 hangtod ₱24, samtang ang ballpen nagkantidad og ₱3 hangtod ₱27. Ang crayons usab nagrange sa ₱12 hangtod ₱114, ang erasers anaa sa ₱8 hangtod ₱20, sharpeners gikan ₱16 hangtod ₱69, ug ang rulers mapalit sa tag-₱8 hangtod ₱32 depende sa brand ug gidak-on.
Gawas sa pagtan-aw sa presyo, gipahinumdoman usab sa DTI ang mga konsumidor nga susihon ang kalidad, label, ug specifications sa ilang paliton aron masiguro nga luwas ug angay gamiton sa mga estudyante.
Ang maong lakang kabahin sa paningkamot sa DTI nga mapanalipdan ang mga konsumidor ug matabangan ang mga pamilya sa ilang pagpangandam alang sa umaabot nga pagbukas sa klase.
