Nag-isyu og notices of violation ang Department of Agriculture (DA) ngadto sa 36 ka rice retailers sa nagkalain-laing bahin sa nasud tungod sa paglapas sa gipatuman nga price cap sa imported rice.
Sumala sa DA, 19 ka retailers gikan sa Ilocos Region, walo sa Metro Manila, upat sa Central Luzon, tulo sa Negros Island Region ug duha sa Bicol ang nasayran nga wala mosunod sa maximum price cap.
Matod sa DA, kabahin kini sa ilang gipakusog nga monitoring ug enforcement operations aron mapanalipdan ang mga pumapalit batok sa dili makatarunganong pagsaka sa presyo sa bugas.
Gisusi usab sa DA ang ubang retailers sa nagkadaiyang bahin sa nasud tungod sa posible nga sayop nga paglabel sa lokal ug imported rice.
Samtang, gihangyo sa DA ang mga retailers nga ipahibalo kon si kinsa ang ilang mga supplier aron masuta usab ang posibleng paglapas sa ubang players sa rice trade.
Photo Courtesy: BusinessWorld
