Gihatagan sa Department of Labor and Employment (DOLE) Zamboanga del Sur, ang 20 ka probationers ug parolees og mga livelihood kits nga nagkantidad og kapin P1.2 million pesos.
Ang pagtunol gihimo atol sa Turn-over of DOLE Livelihood Projects nga gihimo sa DOJ Parole and Probation Administration Regional Office sa Barangay Balintawak, Pagadian City, adlawng Martes, Hunyo 2, 2026.
Lakip sa gipanghatag nga kagamitan ang cosmetology, carpentry, gardening ug farming, frozen foods vending, electrical servicing, refrigeration and air conditioning, baking and pastries, glass installation, small engine repair, street food vending, ug siopao patty ug tapioca production kits.
Nanguna sa turnover sa mga livelihood assistance si DOLE Zamboanga del Sur Provincial Director Miraflor S. Casanes uban ni Regional Director Amites Butiong sa DOJ Parole and Probation Administration Regional Office.
Tumong sa programa nga matabangan ang mga benepisyaryo nga makasugod og panginabuhian ug mas mapalig-on ang ilang reintegrasyon ngadto sa komunidad.
