Nagsugod na ang Bureau of Internal Revenue (BIR) sa pagkolekta og Quarterly Royalty gikan sa mga dagkong large-scale metallic mining contractors ug operators subay sa Republic Act No. 12253. Sumala ni BIR Commissioner Charlito Mendoza, makiangayon lang kini tungod kay nakapahimulos ang mga kumpanya sa yamang-mineral sa nasod, ug ang makolektang pondo magamit sa pagsuporta sa mga serbisyong ug nasudnong kalambuan.
Aron magiyahan ang mga mining companies, nagpagawas ang ahensya og Revenue Memorandum Circular No. 58-2026 nga naglatid sa temporaryong pamaagi sa filing ug pagbayad samtang ginaandam pa ang electronic filing system. Gimanduan ang mga kumpanya nga magbayad sulod sa 60 ka adlaw human ang matag calendar o fiscal quarter.
Gidugang usab sa circular nga kinahanglang bulag ang pag-file ug pagbayad sa matag Mineral Agreement, Financial o Technical Assistance Agreement (FTAA), ug operating agreement isip pagsunod sa ring-fencing provisions sa balaod. Nagpahinumdom ang BIR sa tanang apektadong kumpanya nga mosunod sa deadline alang sa hapsay nga monitoring ug compliance.
Photo courtesy: Manila Bulletin
