Himalang nabuhi ang usa ka batang lalaki ginganlag si Fahim 15-anyos human natanggong og unom ka adlaw sa sulod sa usa ka shipping container gikan sa Bangladesh paingon sa nasud Malaysia.
Matod pa sa bata, nakigdula lang gyud siya og tago-tagoan sa iyang mga higala didto sa ilang dapit. Sa iyang tinguha nga dili makit-an, nisulod siya sa container hangtod nakatulog kini sa sulod ug dihang nagmata naka-lock na ang pultahan ug nagsugod na og biyahe ang barko apan wala na kini mahimo kondili maghulat nga siya ablihan.
Saktong pag-abot sa pier sa Malaysia didto na gi-ablihan ang container ug natingala sila sa dihang bata ang nigula imbes nga mga kargamento.
Grabe ang ka-dehydrated ni Fahim tungod sa unom ka adlaw nga walay kaon ug inom, apan anaa ra kini sa maayong kondisyon dihang gidala sa ospital ug gipauli ra usab siya sa Bangladesh.
Photo Courtesy: India Times
