Padayon nga gipalig-on sa LGU Ipil, pinangunahan ni Mayor RAMCESS OLEGARIO pinaagi sa Municipal Agriculturist Office ang suporta sa sektor sa agrikultura pinaagi sa pag-apod-apod og rice seeds ug fertilizer ngadto sa 300 ka mga mag-uuma sa munisipyo IPIL, Zamboanga Sibugay.
Ang maong ayuda gipondohan sa Department of Agriculture ug DA-PhilRice isip kabahin sa ilang programa sa pagpausbaw sa produksyon sa humay ug pagpalig-on sa kapasidad sa mga mag-uuma.
Sumala sa LGU Ipil, pinaagi sa maayong dekalidad nga binhi ug hustong agricultural inputs, gilauman nga mosaka ang ani sa humay, moubos ang gasto sa produksyon, ug mas molig-on ang kita sa mga pamilyang nagasalig sa pagpanguma.
Gipasiugda usab nga ang agrikultura nagpabiling usa sa mga nag-unang haligi sa ekonomiya sa Ipil ug dako ang papel niini sa pagsiguro sa suplay sa pagkaon sa komunidad.
Nagpasalamat ang LGU Ipil sa Department of Agriculture alang sa padayon nga pakigtambayayong ug suporta sa mga mag-uuma sa lungsod.
Photo Courtesy: MLGU Ipil
