Nagkadaiyang reaksyon gikan sa mga netizens human makita nga nag-agbay sila Atasha Muhlach ug Jacob Ang, atol sa usa ka wedding reception sa Manila.
Ang mga hulagway nga gi-post ni San Juan Mayor Francis Zamora sa social media nagpakita sa duha nga komportable ug suod nga nag-uban sa maong selebrasyon.
Si Atasha mao ang anak nila Aga Muhlach ug Charlene Gonzalez-Muhlach, samtang si Jacob anak ni Ramon Ang, chairman ug CEO sa San Miguel Corporation. Ang okasyon, kasal ni Carmela Ang, igsoon ni Jacob, ug negosyanteng si Miguel Tan.
Bisan pa sa mga litrato nga nakadani sa atensyon sa publiko, wala gihapoy opisyal nga kumpirmasyon nga adunay romantikong relasyon ang duha.
Sa usa ka miaging interbyu, giingon ni Ramon Ang, nga mag-amigo lamang sila. Apan tungod sa ilang mga hulagway nga nagpakita og kasuod, nagpadayon ang mga espekulasyon ug pangagpas sa mga netizens bahin sa tinuod nilang relasyon.
Samtang wala pay klarong pahayag gikan sa kampo sa duha, padayon nga gibantayan sa ilang mga fans ug followers ang matag higayon nga makita silang magkauban.
Photo Courtesy to: PEP.Ph/ Manila Standard
