Gipahibalo sa Philippine Statistics Authority (PSA) nga nakatampo og P2.27 trillion ang sektor sa turismo sa ekonomiya sa Pilipinas niadtong tuig 2025. Base sa Tourism Satellite Account report, ang Tourism Direct Gross Value Added (TDGVA) mikabat sa 8.1 percent sa kinatibuk-ang ekonomiya sa nasud niaging tuig.
Bisan og mas ubos kini kumpara sa P2.30 trillion nga natala niadtong 2024, nagpadayon gihapon ang pagsaka sa ubang tourism activities. Misaka usab ang domestic tourism og 3 percent gikan sa P3.16 trillion ngadto sa P3.26 trillion.
Apan mikunhod ang inbound tourism o gasto sa mga foreign tourists og 6.4 percent gikan sa P745 billion ngadto sa P698 billion.
Samtang, misaka usab ang trabaho sa tourism industry ngadto sa 7.70 million niadtong 2025 gikan sa 7.51 million niadtong 2024. Matod sa PSA, ang tourism employment mikabat sa 15.7 percent sa total employment sa nasud.
Photo Courtesy: The Filipino Times
