Mikabat na sa 16 ka estudyante ang namatay samtang 79 usab ang nasamdan human masunog ang usa ka dormitoryo sa girls’ school sa Rift Valley, Kenya.
Sumala sa Kenya Government, ang sunog mi-ulbo pasado alas dose sa tungang gabii sa Utumishi Girls’ Academy Senior School sa lungsod sa Gilgil ug milungtad og kapin duha ka oras.
Matod ni Education Minister Julius Migos, padayon pa ang imbestigasyon aron mahibal-an ang hinungdan sa sunog diin sa 79 nga nasamdan, 71 na usab ang nakagawas sa ospital.
Dugang sa mga awtoridad, kanunay nang mahitabo ang sunog sa mga eskwelahan sa Kenya ug kapin 100 na nga insidente ang natala sa 2024.
Kasagaran sab matod pa resulta sa protesta sa mga estudyante batok sa istriktong disiplina ug dili maayong pamalaod sa eskwelahan.
Photo Courtesy: CNN
