Dakpan ang usa ka Street-Level Individual (SLI) dungan sa pagpatuman sa search warrant operation sa mga operatiba sa may Purok Pagang, Barangay Kawit, Pagadian City, niadtong adlaw’ng Miyerkules, Mayo 27, 2026.
Ang dinakpan nagpangidaron ug 26-anyos nga residente sa Barangay Kawit, Pagadian City. Bitbit sa mga personahe sa Pagadian CPS, uban ang 902nd RMFB 9, Maritime Pagadian Police Station, ug PDEA 9, ang search warrant gumikan sa paglapas R.A. 9165 nga miresulta sa pagkasikop sa suspetsado nga 26 anyos ug residente ra sab sa maong lugar.
Ang search warrant giisyu sa Executive Judge sa RTC Branch 19, Pagadian City, pinetsahan niadtong Mayo 26, 2026. Nakumpiska atol sa operasyon ang walo ka sachet sa gituohang shabu ug uban pang mga drug paraphernalia.
Ang mga nakuha nga butang Zamboanga del Sur Provincial Forensic Unit alang sa laboratory examination. Samtang ang dinakpan nga suspetsado nakakustudiya na sa Pagadian City Police Station alang sa tukmang lakang.
Photo Courtesy: ZSPPO PRO-9
