Nakadawat og cash incentives ang bag-ong set sa mga medalista sa Region 10 isip pag-ila sa ilang nahimo ug pagdaog sa nagkadaiyang sports events sa Palarong Pambansa 2026. Sumala sa delegasyon, gihatag ang maong insentibo isip pahalipay ug pagpasalamat sa dedikasyon ug disiplina nga gipakita sa mga atleta atol sa kompetisyon.
Ang mga atleta gikan sa NorMin delegation nakahatag og mga medalya ug podium finishes alang sa ilang rehiyon sa lain-laing sporting events. Base sa pinakaulahi nga partial and and unofficial medal tally, mikabat na sa siyam (9) ka bulawan, 14 ka silver, ug 13 ka bronze medals ang nakuha sa Region 10.
Sa pagkakaron padayon pa ang pagpaningkamot sa mga atleta nga makakab-ot og dugang medalya aron mas motaas pa ang pwesto sa overall standing.
Padayon usab nga gimonitor sa regional delegation ang tally samtang nagpadayon ang mga sporting events sa Palarong Pambansa 2026.
Photo Courtesy: Palarong Pambansa NorMin Stars
