Giila ang Usa ka doktor sa Estados Unidos sa Guinness World Records isip “oldest doctor ever” human siya nagpadayon sa pagpraktis sa medisina hangtod sa edad nga 103.
Si Howard Tucker, usa ka Amerikanong neurologist, nagserbisyo sa natad sa medisina sulod sa kapin 75 ka tuig ug mipadayon sa iyang propesyon hangtod sa iyang kamatayon niadtong Disyembre 2025.
Gikumpirma sa Guinness World Records nga si Tucker adunay edad nga 103 ka tuig ug 83 ka adlaw sa dihang siya naila isip pinakatigulang nga doktor nga nakapadayon sa pagpraktis.
Nailhan usab si Tucker tungod sa iyang dugay nga serbisyo ug padayon nga pag-atiman sa mga pasyente bisan sa iyang katigulangon. Bisan human sa iyang opisyal nga pagretiro, nagtrabaho gihapon siya sulod sa dugang nga mga tuig sa iyang espesyalidad.
Ang iyang taas nga karera sa medisina giila isip usa ka ehemplo sa dedikasyon ug pagserbisyo sa propesyon sa healthcare
Photo Courtesy: Tucker family
