Gidapit sa LGU-Talisay ang tanang MSMEs, aspiring entrepreneurs, ug mga Talisaynong gustong mapalambo ang ilang negosyo ug panginabuhian nga motambong sa Financial Caravan 2026 nga pagahimoon karong adlawa, Mayo 29, 2026 sa People’s Hall, City Hall of Talisay.
Matod sa anunsyo, tumong sa maong kalihokan nga matabangan ang mga lokal nga negosyante nga mas mapalambo ang ilang kahibalo bahin sa financial management, financing opportunities, ug uban pang paagi aron mapalig-on ang ilang mga negosyo.
Gipasabot usab nga adunay mga financial institutions ug partners nga mohatag og giya ug impormasyon alang sa mga partisipante aron mas masayran nila ang mga oportunidad nga makatabang sa ilang panginabuhian.
Abli ang maong kalihokan alang sa tanang gustong makat-on, molambo, ug makabaton og mas maayong oportunidad alang sa ilang negosyo.
Naglaom ang City Government sa Talisay nga pinaagi sa maong programa, mas mapalig-on pa ang lokal nga ekonomiya sa dakbayan pinaagi sa pagtinabangay sa gobyerno ug sa mga negosyante.
Photo courtesy: DTI
