Dakpan ang upat ka mga indibidwal pinaagi sa gikasa nga law enforcement operations sa mga otoridad sa ug nabungkag ang drug den sa Purok Forever, Barangay Olingan, Dipolog City kapin kon kulang alas 3:24 sa hapon niadtong Mayo 27 ning tuiga.
Ang mga dinakpan naglakip sa duh aka mga babaye nga sila si alyas “Josiree”, ang gitumbok nga drug den maintainer; alyas “Rowelyn” nga giila nga empleyado sa drug den, duh aka mga lalaki nga mga bisita nga sila si alyas “Llewel”ug alyas “Valeriano”. Ang upat ka mga dinakpan pulos giila nga mga High Value Individual.
Nasakmit gikan sa mga suspek ang gibana-banang 10 gramos sa gituohang shabu nga adunay gibanabanang standard nga presyo sa droga nga ₱68,000.00, lakip ang nagkalain-laing drug paraphernalia, lakip na ang mga improvised tooters, aluminum foil strips, disposable lighters, scooper nga adunay residue sa gituohang shabu, ug uban pang butang nga may kalabotan sa paggamit ug pagmentinar sa drug den.
Ang operasyon gipangulohan sa PDEA Zamboanga del Norte Provincial Office ug sa PDEA Seaport Interdiction Unit-Zamboanga del Norte, sa pakig-alayon sa Dipolog City Police Station Drug Enforcement Team (SDET), Regional Drug Enforcement Unit 9 (RDEU 9), ug 901st Maneuver Company sa Regional Mobile Force Battalion 9.
Ang giingong drug den maintainer pasakaan og kaso ubos sa Sections 6, 11, ug 12, samtang ang empleyado ug mga bisita mag-atubang og kaso ubos sa Sections 7, 13, ug 14 sa Republic Act No. 9165 o Comprehensive Dangerous Drugs Act of 2002.
Photo Courtesy: PDEA REGION IX
