Wala gitago sa award-winning actress nga si Amy Austria, nga nakaagi siya sa paggamit og ilegal nga drogas atol sa iyang kasikat. Apan iyang gipasigarbo mao kung giunsa niya kini pagpildi ug pag-eskapo sa illegal nga bisyo. Sa 2022, sa iyang YouTube vlog, gibuksan ni Amy ang bahin sa iyang pagkaadik sa droga.
Katorse anyos pa lang si Amy dihang misulod siya sa showbiz. Disiotso anyos siya, niadtong 1980, sa una niyang paggamit og marijuana. Apan gihunong usab niya kini tungod sa mga epekto nga iyang namatikdan. Apan mas grabe ang iyang gipulihan — methamphetamine o mas nailhang shabu. Gipaambit niya ang iyang istorya sa iyang vlog kaniadtong Abril 2022.
Iyang nalupig ang drugas pinaagi sa personal nga relasyon sa ginoo, matod niya nga iyang gisalikway tanan nga klase sa tentasyon ug gisalig tanan sa ginoo. Dugang niya nga usa ka lesson learn ang kasikat sa usa ka tawo inig abot na sa mga pagsulay. Punto sa kinabuhi nga mabuta ka sa kwarta kasikat ug bisyo.
Gitambagan usab niya ang mga batang artista nga ipaduol sa ginoo ang ilang kasing-kasing ug dili sa bisyo. Si Amy Austria, nailhan siya sa iyang mga malampusong salida sama sa Jaguar (1979), Brutal (1980), ug Celestina Sanchez A.K.A. Bubbles (1988). Sa telebisyon, nailhan usab siya sa iyang mga iconic nga papel sama sa inahan ni Kathryn Bernardo sa 2015 remake sa Pangako Sa ‘Yo. Siya usa ka Metro Manila Film Festival (MMFF) Hall of Famer.
Photo Courtesy:PEP.ph
