Kung sauna kinahanglan pa ka mag-antos sa kakapoy para makasaka sa bukid, karon sa China pwede na ka mag-relax murag naa sa mall.
Sa Lingshan Scenic Area, nagpatukod og dagkong escalator nga diretso na paingon sa tuktok sa bukid nga moabot og 1,500 metros ang kahabogon. Imbis nga duha ka oras nga sakaon, mahimo na lang og pila ka minuto—walay singot, walay kapoy.
Gigastohan kini og milyon-milyon nga dolyar aron bisan kinsa—apil na ang senior citizens ug persons with disabilities—makasaka ug makakita sa nindot nga talan-awon.
Pero dili tanan nalipay! Ang uban netizens miingon nga “unsa pa may gamit sa hiking kung naa na may escalator?” Murag giingnan na lang daw ang bukid nga, “Ayaw na pagpa-exercise, relax na lang ta!”
Sa laing bahin, adunay mga bisita nga nalipay kaayo kay makasaka na sila nga murag nag-window shopping ra—ang kalahi-an lang, imbis sapatos imong tan-awon, kabukiran na.
Sa pagkakaron, padayon ang pagtukod sa proyekto ug gilauman nga mahuman na sa sunod bulan.
Busa kung ganahan ka mag-hiking pero dili ganahan kapuyon… basin mao na ni ang para nimo— “hiking nga dili maglakaw”
Photo courtesy: Oddity Central/viory
