Gipalig-on ang seguridad ug nagdugang og passenger assistance services ang Cebu South ug North Bus Terminal isip pagpangandam sa pagdagsa sa mga pasahero atol sa pagsugod sa klase.
Sumala ni terminal head Ahmed Cuizon, gi-upgrade sa duha ka terminal ang surveillance systems ug nagdeploy og dugang help desks aron mas mamonitor ug maatiman ang pagdagsa sa mga estudyante ug biyahero panahon sa opening sa klase.
Kabahin sa gipahugtan nga security protocols, nagdugang usab og CCTV cameras aron mabantayan ang mga lugar nga kaniadto wala mamonitor.
Matod pa sa management, dako na’g natabang ang mas hugot nga seguridad sa pagpugong sa mga kaso sa pagpangawat ug sa pagtabang pagpangita ug pagbalik sa mga nawala nga gamit pinaagi sa CCTV footage.
Photo courtesy: jontotheworld.com
