Gitinguha karon sa Cagayan de Oro Press Club nga mapalig-on pa ang ethical standards sa mga miyembro sa media aron masiguro nga patas, tinood ug responsableng balita ang mahatag sa publiko.
Gipasabot ni Dr. Manny Jaudian, former President sa COPC, nga nagkadaghan karon ang mga indibidwal sa social media nga naghimo og balita bisan dili kompleto ug usahay dili tinuod ang impormasyon alang lamang sa content ug revenue.
Matod pa niini, importante nga mapadayon sa mga practitioners sa media ang ilang responsibilidad sa paghatag og balita nga walay bias ug adunay kredibilidad.
Tungod niini, nagpadayon ang COPC sa pagpahigayon og seminars bahin sa media ethics atol sa Press Freedom Week aron mapahinumdoman ang mga miyembro sa prensa sa ilang social contract ngadto sa publiko nga magserbisyo pinaagi sa matinud-anon ug patas nga pamamahayag.
Gilauman usab sa organisasyon nga pinaagi sa mga kalihokan, mas maprotektahan ang publiko batok sa fake news ug misinformation nga nagkatag sa social media.
