Usa ka anime convention sa California ang karon trending sa social media human adunay mga cosplayers nga nakahunahuna og negosyo nga makapakurat ug makapatawa sa daghang tawo—ang pagbaligya og “foot juice”.
Atol sa Parkon 2026 nga kauban sa Fanime Con sa San Jose, nakita sa mga attendees ang mga cosplay models nga nagbaligya og fruit juice nga gilubog kuno una sa ilang mga tiil sulod sa plastic container.
Ang uban matod pa nga models, nagtugot pa nga direkta nga motulo gikan sa ilang basa nga tiil ang juice ngadto sa baso sa customer.
Bisan medyo “questionable” ang style sa negosyo, daghang tawo gihapon ang nipalit ug nahurot pa ang maong baligya sulod sa usa lang ka oras bisan nagkantidad og 10 hangtod 15 dollars kada baso.
Daghang netizens ang nagkatawa ug nag-comment nga:“Abi nako lemonade stand… tiilade stand diay!”
Samtang ang uban miingon usab: “Karun lang ko kakita nga pati tiil mahimong business partner!”
Bisan adunay mga tawo nga niingon nga kini na matod pa ang “pinakaubos nga marketing strategy,” adunay uban nga mitubag usab nga: “Kung nahurot man gani ang baligya, murag effective gyud!”
Photo courtesy: Oddity Central
