Nagpasalamat sa Ginoo ang aktor nga si Dennis Trillo human naluwas ang iyang anak nga si Calix sa usa ka aksidente sa sakyanan niadtong Mayo 25 sa sayo sa buntag.
Sumala sa giingong post sa aktor sa social media nga gikuha apan gipaambit pag-usab sa mga netizen, natulog si Calix samtang nagmaneho nga siya ra usa mga alas 5:00 sa buntag, hinungdan nga naaksidente ug nabalintong ang iyang sakyanan.
Tungod sa kusog nga impact, grabeng kadaot ang natabo sa salakyan, apan walay laing sakyanan o indibidwal nga naapektuhan sa insidente.
Si Calix nakaangkon lamang og bun-og sa ulo ug bukton, lakip ang paghubag sa iyang wala nga kamot.
Gipadayag ni Dennis ang iyang dakong pasalamat nga maayo ra ang kahimtang sa iyang anak, ug gigamit usab niya ang hitabo isip pahimangno sa publiko nga dili magmaneho kon gakapoy o gaduwa sa antok aron malikayan ang aksidente sa dalan.
Photo Courtesy: abs-cbn
