Gipahugtan karon sa Cateel Municipal Police Station, pinaagi sa pagdumala ni PMAJ MICHAEL P. CELECIO, COP ang pagpalig-on sa kahibalo sa komunidad kabahin na sa kreminalidad.
Gani gipangunahan ni Police Chief Master Sergeant Francis F. Simafranca, Mobile Patroller ang pagdayalogo ug pag-apod-apod sa mga informational leaflets kabahin na sa Republic Act No. 8353, Republic Act No. 9262, ang mga hinungdan ug epekto sa ilegal nga droga, ingon man ang pagpugong sa krimen batok sa kawat, Anti-terorismo, Ligtas Sumvac ug ang Republic Act No. 11313.
Ang maong kalihokan gipahigayon kagahapong adlawa sa Brgy. Poblacion, Cateel, Davao Oriental. Kini nga inisyatibo nagtumong sa pagpataas sa kahibalo sa publiko sa lain-laing mga balaod ug mga lakang sa kaluwasan aron nga mapalambo sa kalinaw, kahapsay, ug kaluwasan sa publiko.
Photo Courtesy: Cateel MPS
