Gisaysay sa Supreme Court nganong gi-deny nila ang hangyo ni Ronald Dela Rosa nga Temporary Restraining Order (TRO) aron mapugngan ang iyang posibleng pag-aresto base sa warrant sa International Criminal Court (ICC).
Sumala sa Supreme Court, wala nakapakita si Dela Rosa og klaro nga legal nga basehan nga kinahanglan protektahan kini pinaagi sa TRO. Giingon usab sa korte nga ang iyang mga giingong hulga sa iyang katungod nabase lang sa mga alegasyon.
Giingon sa SC nga ang ilang desisyon limitado lamang sa TRO ug dili pa sa tibuok apela nga gipangayo sa senador. Pasabot niini, wala pa sila nagdesisyon kung pwede ba gyud i-implementar sa Pilipinas ang ICC warrant.
Gipadayag usab sa korte nga adunay protective custody si Dela Rosa sa Senado ug giingon pa sa Malacañang nga wala pay direktiba para sa iyang arrest, busa wala pay klaro hulga batok kaniya nga iyang nakita.
Sa laing bahin, nagpadayon ang diskusyon sa legal ug political nga kahimtang sa kaso, ilabi na kay ang kampo sa senador miingon nga ang ICC warrant dili pa klaro kung pwede ipatuman sa Pilipinas.
Photo Courtesy: Philstar.com
