Gipasidunggan sa Police Regional Office 12 (PRO 12) ang 12 ka pulis ug personnel tungod sa ilang lig-on nga serbisyo ug kontribusyon sa training sa kapulisan. Ang maong seremonya gipahigayon kagahapong adlawa, Mayo 25, 2026 atol sa traditional Monday flag raising ceremony.
Si PBGen Alan B. Manibog, acting regional director sa PRO 12, maoy nanguna sa paghatag sa pasidungog nga gitawag og Medalya ng Kasanayan. Kini nga award gihatag sa mga personahe nga nagserbisyo isip bahin sa Training Committee sa Modified Handgun Marksmanship Training sa tuig 2026.
Ang maong training giapilan sa mga pulis gikan sa Cotabato Police Provincial Office, Sultan Kudarat Police Provincial Office, General Santos City Police Office, ug PRO 12 Regional Headquarters. Tumong niini nga mapaayo ang abilidad sa mga pulis sa paggamit sa armas ug pagpalig-on sa ilang pagdala sa operasyon.
Gipasalamatan ni PBGen Manibog ang mga awardees ug gitanaw nga sila usa ka inspirasyon sa ilang mga kauban sa serbisyo.
Photo Courtesy: PRO 12
