Mipabuto og 33 puntos si Victor Wembanyama aron tabangan ang San Antonio Spurs sa pagdaog kontra defending champion Oklahoma City Thunder, 103-82, ug matabla ang ilang NBA Western Conference finals series sa 2-2 kagahapon sa Frost Bank Center sa San Antonio, Texas.
Ang 22-anyos nga French center nakapasulod og 11 sa iyang 22 ka itsa, lakip ang tulo ka tres, samtang nakarekord usab og walo ka rebounds, lima ka assists, tulo ka blocks ug duha ka steals. Gipasiugda usab ni Wembanyama ang duwa human niya milansang og buzzer-beater gikan sa tunga sa court sa paghuman sa first half aron ihatag sa Spurs ang 50-38 nga abante.
Matod ni Spurs coach Mitch Johnson, gipakita ni Wembanyama ang agresibong duwa aron malikayan nga malubong sa 3-1 nga depisit ang San Antonio sa serye.
Midugang sila Devin Vassell ug Stephon Castle og 13 puntos matag usa, samtang si De’Aaron Fox adunay 12 puntos ug 10 rebounds para sa Spurs.
Photo courtesy: OUTLOOKINDIA.COM
