Naangol ang usa ka motorista human maaksidente atol sa pagbiyahe sa KM 82, Brgy. Marber, Bansalan, Davao del Sur.
Sumala sa inisyal nga impormasyon, ang biktima nga giingong gikan sa Kanapulo ug padulong sa Bansalan naaksidente samtang nagpadayon ang kusog nga ulan nga maoy hinungdan sa limitado nga panan-aw sa dalan sa maong higayon.
Dali usab nga mitabang ang mga residente aron mahatagan dayon og first aid ang biktima ug gidala kini sa ospital alang sa dugang pag-atiman.
Miabot usab ang iyang mga pamilya aron motan-aw sa iyang kahimtang. Matod ni Kagawad Henry Cometa sa Brgy. Marber, Bansalan, Davao del Sur, giawhag ang tanang motorista nga magdoble og pag-amping ilabina panahon sa ulan aron malikayan ang posibleng disgrasya sa kadalanan.
