Magtigom sa New Delhi ang mga foreign ministers sa United States, Japan, Australia, ug India, isip kabahin sa Quad meeting nga nagtumong sa pagpalig-on sa seguridad ug kooperasyon sa Indo-Pacific region. Ang maong panagtigom, gilauman nga maghisgot sa mga isyo sa rehiyonal nga kalinaw, maritime security, ug ekonomikanhong kolaborasyon.
Ang grupo sa Quad, dugay nang giisip nga usa ka importante nga alyansa sa pagpasiugda sa libre ug open nga Indo-Pacific, ilabi na sa nagkataas nga tensyon sa rehiyon. Gilauman nga ang miting maghatag og bag-ong pamaagi sa pagpalig-on sa depensa ug diplomatikong koordinasyon sa tulo ka nasod kauban ang host country nga India.
Samtang nagpadayon ang global nga kahimtang nga puno sa geopolitical challenges, ang maong panagtigom, makita isip usa ka lakang sa pagpasiugda sa mas lig-on nga relasyon tali sa mga kaalyado. Gilauman usab nga adunay kalabutan nga mga kasabutan ug joint initiatives nga ipagawas human sa miting.
Photo Courtesy: seattletimes
