Nadakpan sa entrapment operation sa kapulisan ang usa ka 21-anyos nga lalaki, human gireklamo sa iyang kanhing uyab tungod sa giingong pagpanghulga nga ipakatag ang sensitibong hulagway ug video niini.
Nahitabo ang operasyon sulod sa usa ka lodging house sa Poblacion 5, Midsayap, Cotabato, alas-12:20 sa udto niadtong Martes, Mayo 26. Sumala sa pulisya, gipugos matod sa suspek ang biktima nga makigkita kaniya bugti sa dili pagpakatag sa pribadong files.
Nag-atubang karon og kaso ang suspek ilalom sa Cybercrime Prevention Act ug Anti-Photo and Video Voyeurism Act. Padayon usab ang pahimangno sa mga otoridad nga likayan ang online harassment ug responsableng paggamit sa social media.
Photo Courtesy: the crowder
