Naglunsad ang China og Shenzhou-23 crewed space mission niadtong Domingo, Mayo 24, nga nagdala og tulo ka astronaut paingon sa ilang space station nga Tiangong Space Station isip kabahin sa padayon nga eksplorasyon sa kawanangan sa nasud.
Ang paglupad nahitabo alas 11:08 sa gabii (1508 GMT) gikan sa Jiuquan Satellite Launch Center gamit ang Long March-2F Y23 carrier rocket, nga malampusong nakadala sa crew paingon sa orbit.
Kabahin sa misyon ang usa ka astronaut nga magpabilin sulod sa usa ka tuig sa space diin mao kini ang pinakataas nga stay sa kasaysayan sa China, aron tun-an ang epekto sa dugay nga pagpuyo sa lawas sa tawo ilabi na sa physiology ug performance.
Dugang pa niini, ang Shenzhou-23 giisip usab nga mahinungdanong lakang sa China nga maningkamot makab-ot ang ilang target nga crewed lunar landing sa tuig 2030, samtang gipadayon ang pagpalambo sa ilang manned spaceflight programme.
Photo Courtesy : China Xinhua News
