Misulod sa culinary world ang aktres nga si Alessandra de Rossi pinaagi sa pag-eskwela sa Center for Asian Culinary Studies Manila. Sa iyang social media posts, iyang gipaambit ang mga Asian dishes nga iyang naluto uban sa iyang mga classmates ug nagbinuang pa bahin sa kalisod sa paghimo og siopao.
Daghang fans ug celebrities sama ni Karen Davila ang mi-congratulate kaniya, samtang ang uban nangutana kung plano ba niya nga mag-abli og kaugalingong restaurant sa umaabot.
Mahinumduman usab nga miagi si Alessandra og culinary training alang sa Netflix series nga Replacing Chef Chico. Matod pa niya, dugay na siyang hilig sa pagluto apan mas gusto niya mahimong sous chef kaysa head chef tungod sa pressure sulod sa kitchen.
Photo Courtesy: ABS-CBN
