Nag-angkon ug samad sa wala nga bukton ang usa ka lalaki nga giilang si alyas “Reo” 40-anyos nga residente sa Barugo, Leyte human kini maigo sa bala sa pusil ni Police Corporal “Rex”, residente sa naasoy nga lugar, atol sa nahitabong pinusilay didto sa Brgy. Busay, Barugo, Leyte, pasado alas 6 ang takna sa buntag May 25, 2026.
Sumala pa sa impormasyon nga nakuha sa kapulisan, samtang mipauli ang pulis, gisugat kini sa suspek ug gikompronta tungod kay matod pa nga gipersonal sa pulis ang suspek, dayon nagpabuto ang suspek, nakalikay ang pulis pinaagi sa pag pahipi sa likod sa poste sa kuryente og mibalos kini sa pagpabuto, nga miresulta sa pagkaigo sa suspek sa iyang wala nga bukton.
Human ang insedente, dali nga nangayo og tabang ang pulis ngadto sa kapulisan sa Barugo ug nag request og ambulansya aron madala ang suspek sa balay tambalanan alang sa hinanaling atensyong medikal.
Narekober usab sa lugar sa krimen ang duha ka pusil ug usa ka magazine nga gidudahang gipanag-iya sa suspetsado.
Samtang nagpadayon ang imbestigasyon sa kapulisan, nasayran usab nga ang suspek adunay rekord, lakip na ang iyang pagka aresto niadtong 2019 tungod sa kasong may kalambigitan sa ilegal nga droga. Nasayran usab nga lakip usab ang suspek sa mga gibantayan nga drug personality sa maong lugar.
