Gikasal na si Polo Ravales ug ang iyang dugay nang non-showbiz partner nga si Paulyn Quiza niadtong Mayo 24, 2026.
Gipaambit ni Polo sa Instagram ang ilang mga hulagway ug video gikan sa kasal, lakip ang ilang romantic nga sayaw isip bag-ong magtiayon. Nitambong usab sa kasal ang pipila ka sikat nga personalidad sama nila Dingdong Dantes, Rio Locsin, Jackie Lou Blanco, Mikey Bustos, ug direktor nga si Dominic Zapata.
Dugay na usab nga relasyon nila Polo ug Paulyn. Na-engage sila niadtong 2018 ug adunay sila’y anak nga si Yatrick Paul. Sumala kang Polo sa nangaging interbyu, dako kaayo’g pagsabot si Paulyn sa iyang trabaho isip artista tungod kay adunay sab kini’y koneksyon sa entertainment industry isip fitness trainer sa pipila ka celebrities sama nila Iza Calzado ug Solenn Heussaff.
Daghang fans ug mga artista ang nanghinaut og malipayong kaminyoon sa magtiayon.
Photo Courtesy: GMA news
