Labing menos 23 ka mga patayng lawas ang nakit-an, samtang dose-dosenang mga nasamdan nga pasahero ang gidala sa mga ospital alang sa pagtambal human sa nahitabong suicide bombing duol sa Pakistan railway niadtong niaging adlaw.
Nakahatag ang pagbusikad og dakong kadaot sa lugar ug nakaaghat og emergency response samtang ang mga rescue team gilayon nga niadto sa lugar. Gisiguro sa mga awtoridad ang lugar samtang ang mga bomb disposal unit ug security personnel nagpadayon sa pag-imbestiga sa mga sirkumstansya nga naglibot sa pag-atake.
Gibutang ang mga ospital sa Quetta sa emergency status samtang ang mga medical team nagtrabaho aron pagtubag sa pagdagsa sa mga casualties.
Miingon si Deputy Superintendent of Police Qadir Qambrani nga madugangan pa ang mga namatay ug nasamdan diin kapin sa 100 na ka mga indibidwal samdan sa nahitabo.
Miangkon sab ang militanteng grupo nga Baloch Liberation Army nga maoy responsibilidad sa pag-atake diin ang organisasyon dugay nang nangita og kagawasan gikan sa sentral nga gobyerno sa Pakistan ug nakahimo na og mga pag-atake sa tibuok rehiyon.
Gikondenar ni Pakistani Prime Minister Shehbaz Sharif ang insidente, nga gitawag kini nga usa ka brutal nga buhat sa terorismo
Photo Courtesy: Reuters
