IKA-60 NGA “ARAW NG SAN FERNADO”, GISUGDAN PINAAGI SA SPORTS

Gihan-ay sa lungsod sa San Fernando ang pagsaulog sa ilang ika-60 nga “Araw ng San Fernando” pinaagi sa usa ka bulan nga sunod-sunod nga kalihokang pang-isport ubos sa temang “60 Years of Honoring Heritage, Shaping the Future.”

Kini nga selebrasyon nagtumong sa pagpalambo sa panaghiusa, sportsmanship, ug potensyal sa kabatan-onan pinaagi sa nagkalain-laing kompetisyon karong Mayo hangtod Hunyo.

Nalakip sa mga giatangan nga dula mao ang inter-barangay basketball ug volleyball, sepak takraw, swimming, archery, chess, ug pushbike racing alang sa mga bata.

Usa sa mga dagkong highlight mao ang 1st Mayor Dodoy Yeke Pickleball Tournament diin dagkong ganting salapi ang nagpaabot sa mga makadaug.

Giawhag ni Mayor Rogelio “Dodoy” Yeke ang katawhan sa pagsuporta niini, diin iyang gipasabot nga ang anibersaryo salamin sa panaghiusa ug pag-uswag sa tibuok lungsod.

Hisayrang ang Adlaw sa San Fernando gisaulog matag Hunyo 18. Gihandom kini isip pagpasidungog sa pagkatukod sa nasod niadtong Hunyo 18, 1966 ubos sa Republic Act No. 4789

Photo Courtesy: Mayor Rogelio Yeke