Gipadayag ni Sen. Robin Padilla nga padayon ang iyang lig-on nga suporta sa pamilya Duterte taliwala sa nagkainit nga tensyon sa politika sa nasud. Matod pa sa senador, nagpabilin siyang kaalyado sa mga Duterte ug nagtuo nga sila gihapon ang labing angayan nga mangulo sa nasud.
Atol sa gilusad nga panagtigom sa Reform Alliance for Good Governance and Accountability o RAGE coalition, diretsahang gipadayag ni Padilla sa iyang mga supporter nga alang kaniya, wala pa’y mas labaw nga lider gawas sa Duterte.
Dugay nang nailhan si Padilla isip suod nga kaalyado ni Kanhing Presidente Rodrigo Duterte ug ni Bise Presidente Sara Duterte. Sa nagkadaiyang isyu nga giatubang sa pamilya Duterte, padayon usab siyang nagdepensa ug nagpahayag sa iyang suporta kanila.
Photo Courtesy: Politiko
