Natangag sa kawatan ang usa ka Honda XRM motorcycle sa Kabacan, Cotabato, niadtong adlawng Lunes, Mayo 25, 2026. Sumala sa tag-iya, giparada lamang ang motorsiklo sa atubangan sa usa ka shop duol sa simbahan sa Iglesia Ni Cristo sa dihang kalit kining gitangag sa wala pa mailhing suspek.
Matod pa, adunay plakang M516IK ang motorsiklong gitangag. Nangayo karon og tabang ang pamilya sa tag-iya ngadto sa publiko aron dali nga matultolan ang maong motorsiklo. Giawhag usab ang bisan kinsa nga adunay impormasyon o nakakita sa maong motor nga dayong mokontak sa pinakaduol nga estasyon sa pulis.
Dako usab og tabang, matod pa sa pamilya, ang pagpakigbahin o pag-share sa impormasyon aron mapaspasan ang pagpangita sa nawala nga motorsiklo.
Photo Courtesy: Jun Jacolbe
