Nalingaw ug na-impress ang mga netizen human makita sa viral nga video si Queenie Pacquiao, anak nila boxing icon nga si Manny Pacquiao ug Jinkee Pacquiao, nga namalit sa ukay-ukay imbes sa mahalon ug sosyal nga boutiques.
Sa video nga gi-upload ni content creator nga si Edgar D. Polinar o mas nailhan nga “Pag Sure Ba” makita si Queenie nga nagtan-aw og second-hand nga sinina ug mga bag sa usa ka ukay-ukayan.
Sa usa ka bahin sa video, gikataw-an siya ni Edgar human niyang moingon nga mahal ang usa ka cute nga bag nga nagkantidad og PHP600. “Ang mahal, PHP600 siya,” matod pa ni Queenie, nga nakadani og lingaw ug positibong reaksyon gikan sa mga netizen.
Nasundan pa kini og laing video diin makita si Queenie nga nagkupot og basket nga puno sa iyang napalit nga ukay-ukay items. Daghang netizen ang midayeg sa iyang kasimple ug pagkadown-to-earth bisan pa sa kadato sa ilang pamilya.
Matod sa pipila ka netizen, bisan adunahan ang pamilya Pacquiao, nagpabilin gihapon silang praktikal ug yano sa ilang pagpamuyo.
Photo Courtesy: PEP.ph
