Dakong baha ang nagmarka sa kasing kasing sa mga tawo nga dili makalimtan niadtong tuig 1993, usa ka 24-anyos nga lalaki sa West Quincy, Missouri ang gituyo ang pagguba sa usa ka kritikal nga dike (levee) ubay sa Mississippi River.
Subay sa mga taho, gihimo kini sa suspek aron lang malangan ang pagpauli sa iyang asawa ug aron magpadayon ang iyang pag-gimik ug pag-inom.
Ang maong sabotage niresulta sa dinaliang pag-awas sa dako nga bul-og sa tubig nga mianod sa anaa sa 14,000 ka ektarya nga kayutaan sa agrikultura, niguba sa mga kabalayan ug mga negosyo, ug nagpugos sa dinalian nga pagpasira sa mga importanteng tulay sa rehiyon.
Ang maong artipisyal nga kalamidad nagparalisar sa sistema sa transportasyon, naghatag og dakong pito-pito sa mga emergency services, ug nagbilin og minilyon ka dolyar nga alkansi sa ekonomiya alang sa mga lokal nga mag-uuma ug mga residente.
Human sa dinaliang imbestigasyon sa mga awtoridad, daling nailhan ug nadakpan ang maong lalaki, diin gikasohan siya og sunod-sunod nga seryosong krimen lakip na ang pagpangdaot sa kabtangan sa gobyerno ug pagpameligro sa kaluwasan sa publiko.
Siya nakonbikto sa korte ug gisentensiyahan og pipila ka tuig nga pagkabilanggo tungod sa iyang iresponsable ug peligrosong binuhatan.
Ang maong talagsaong kaso nakakuha og lapad nga atensiyon sa tibuok nasod, ug nagsilbing pahinumdom sa publiko kon unsa ka dako ang damyos ug trahedya nga mamahimong mugnaon sa dautang desisyon ug personal nga interes sa usa lamang ka tawo ngadto sa tibuok komunidad.
Photo courtesy: Ignite Your Mind
