Mas gipahingusgan pa sa Department of Social Welfare and Development (DSWD-10) ang ilang pakig-alayon ngadto sa Kagamhanang Probinsyal sa Bukidnon ug sa mga lider sa Lumad kon Indigenous Peoples (IP).
Kini human mitambong ang team sa Peace and Development Buong Bansa Mapayapa (PDBBM) Program, ubos sa liderato ni Regional Program Coordinator Atty. Edgar G. Requilme, sa General Monthly Meeting sa mga IPMRs ug Tribal Chieftains niadtong Mayo 22, 2026, didto sa IP Tulogan, Kaamulan Park, syudad sa Malaybalay
Giduyogan ang maong panagtigom ni Bukidnon Governor Rogelio Neil Roque, NCIP Commissioner Atty. Alberto R. Lagamon, NCIP Provincial Director Ronaldo L. Bayaon, ug Bukidnon Provincial IPMR Renato Sumbungan “Datu Makayuba,” uban sa mga Tribal Chieftains gikan sa pito (7) ka tribu sa probinsya.
Nakasentro sa maong asembliya ang pagpalig-on sa koordinasyon ug panagtabangay alang sa mga inisyatibo sa pagpaunlod sa kalinaw ug kalambuan sa mga komunidad. Nahimo usab kini nga importanteng higayon aron hisgutan ang dagan sa mga interbensyon sa mga panginahanglanon sa komunidad, ug pagpalambo sa inklusibong partisipasyon sa mga Indigenous Cultural Communities (ICCs).
Pinaagi niining lig-on nga kooperasyon uban sa kadagkoan sa probinsya sa Bukidnon ug sa National Commission on Indigenous Peoples (NCIP), gipaniguro sa DSWD nga ang mga tabang ug interbensyon sa gobyerno magpabiling “culturally sensitive” o naghatag og dakong pagtahod sa kultura, daling makaresponde sa panginahanglanon, ug nakagamot sa tinguha alang sa tiunay nga kalinaw
Photo Courtesy: Datu Makayuba Renato Sumbungan
