Nagtala ang Commission on Elections (Comelec) sa kapin 13,000 ka aplikante sa voter registration sa syudad sa Malaybalay human sa registration period nga natapos niadtong Mayo 18, 2026.
Kini ang gibutyag ni Election Oficer IV – Atty Danilo Dividina sa pakighinabi ning sibyahan, diin sa katapusang adlaw sa registrasyon, dagsa ang mga aplikante sa opisina sa Comelec bisan pa man nga pito ka bulan ang gidugayon sa registration period ug adunay gihimong satellite registration ug Sabado nga operasyon. Mokabat sa 500 hangtod halos 600 ka aplikante ang na accommodate sa maong adlaw.
Kahibaloang niadtong Agosto 1–10 nga special registration, nakarekord usab og 5,716 ka aplikante ang Malaybalay, kung asa giingong usa sa pinakadaghan taliwala sa mga syudad ug munisipyo gawas sa highly urbanized cities sa nasud.
Gitumong unta ang maong registrasyon alang sa Barangay ug SK Elections sa Disyembre 2025 apan na-postpone pinaagi sa Republic Act 12232, maong giextend ang voter registration hangtod Mayo 18.
Dugang pa sa Comelec, nga ang halos 2,000 ka aplikasyon gikan Abril hangtod Mayo aprobahan pa sa Election Registration Board hearing karong Hunyo 1, 2026
Hisayrang kon maapil ang tanang bag-ong aplikante, gilauman nga moabot sa halos 125,000 ang total registered voters sa Malaybalay City alang sa umaabot nga eleksyon.
Photo Courtesy: COMELEC – Malaybalay City
