Misaad ang Bangko Sentral ng Pilipinas (BSP) pinaagi ni Gobernador Eli Remolona Jr nga palapdan pa ang access sa pinansyal nga mga serbisyo human sa bag-ohay nga survey sa Social Weather Stations (SWS) nga nagpakita sa dugang nga pagpanag-iya sa pinansyal nga account sa mga Pilipino.
Gikutlo sa BSP ang resulta sa SWS survey nga gihimo sa unang quarter sa tuig, nga nagpakita nga 58 porsyento sa mga hamtong nga nag-edad og 18 pataas nanag-iya og financial account.
Mas taas kini sa 51 porsyento nga natala alang sa parehas nga grupo sa edad sa 2025 BSP Consumer Finance and Inclusion Survey.
Ang BSP nag-ingon nga ang pag-uswag sa pagpanag-iya sa account “naobserbahan sa tanan nga geographic nga mga lugar, mga grupo sa kita, ug lebel sa edukasyon.”
Nakaplagan usab sa surbey nga 43 porsiyento sa mga hamtong nga respondents nanag-iya ug electronic money (e-money) account, samtang 21 porsiyento ang miingon nga sila adunay bank account.
Sa mga walay financial account, ang kasagarang mga babag nga gihisgotan mao ang kakuwang sa kwarta, kawalay trabaho, ug limitado nga kahibalo unsaon pag-abli og account.
Uban sa mga resulta sa survey, si Remolona miingon nga ang regulator “magpadayon sa pagpalapad sa access sa pinansyal nga mga serbisyo.”
Kini makapahimo sa daghang mga Pilipino nga makadaginot, makadumala sa ilang mga galastuhan, ug makapauswag sa ilang kinatibuk-ang kahimsog sa panalapi.
Photo Courtesy: BNC
