Nakakuha og talagsaon ug makapakurat nga hulagway,ang usa ka amateur photographer nga si Martin Le-May didto sa Hornchurch Country Park, human niya makuhaan og litrato ang usa ka weasel nga nagtungtung sa likod sa usa ka green woodpecker samtang naglupad kini sa kahanginan.
Sumala kang Le-May, naglakaw-lakaw lamang sila sa iyang asawa aron manglantaw og mga langgam sa parke sa sidlakang London sa dihang nakadungog sila og kagubot gikan sa kakahoyan. Iyang gipunting ang kamera, nakit-an niya ang dili kasagarang panghitabo diin ang woodpecker naglupad aron makalikay, samtang ang weasel nagkupot gihapon sa likod niini.
Human sa pipila ka gutlo, mitugpa ang duha sa yuta ug didto nakalingkawas ang woodpecker gikan sa pag-atake sa weasel. Ang maong hulagway dayon mikatag sa internet ug nahimong viral tungod sa ka-talagsaon niini.
Daghang netizens usab ang nagpamatuod nga tinuod ang hulagway ug dili AI-generated, ilabina kay dugay na kini nga viral bisan wala pa misikat ang modernong artificial intelligence image tools.
Hangtod karon, gigamit gihapon kini sa memes ug kataw-anan nga posts online tungod sa murag “action scene” nga nahitabo sa tinuod nga kinabuhi.
Photo Courtesy: Facts Pinas
