Misaka pa ang kaso sa Ebola outbreak nga naglatay karon sa amihanang-sidlakang bahin sa nasod, samtang ang mga first responder nag-atubang og grabeng kakulangan sa kagamitan ug suporta human sa pagkunhod sa pondo gikan sa United States ug uban pang donor countries.
Giingon sa mga responder nga ang pagkunhod sa foreign aid nakapahinay sa contact tracing, disease monitoring, ug pag-deploy sa rapid response teams. Ang pipila ka mga health facility sa Ituri ug duol nga mga lugar giulat nga kulang na bisan sa basic protective gear sama sa mask, gloves, ug disinfectants.
Bisan pa sa kalisod, ang United Nations ug ubang international partners nagpadala og emergency funds ug medical supplies aron mapalig-on ang response operations. Apan giila sa mga eksperto nga dili kini igo kung walay dugang ug padayon nga suporta sa global health programs.
Nagpasidaan ang mga health experts nga kung dili mahatagan og dinaliang aksyon ug dugang pondo, posibleng mosamot pa ang krisis ug mahimong mas lapad ang epekto sa outbreak sa rehiyon ug sa silingang mga nasod.
Photo Courtesy: Think global health/ UN news
