Nanawagan ang NUJP sa mga organisasyon sa media sa pagpatuman sa mas estrikto nga mga palisiya batok sa sexual harassment ug pagsiguro sa luwas ug patas nga trabahoan para sa mga tigbalita.
Kini human sa insedente sa usa ka Bacolod-based radio program anchor, nga mihimo og dili angay nga mga komedya ug komento ngadto sa usa ka babayeng reporter atol sa live coverage.
Matod sa NUJP, ilang gikonsiderar ang insidente nga kasong sexual harassment, diin giingong nagkomedya ang anchor bahin sa rape samtang nakig-estorya sa reporter nga igo lang nagtaho sa kasong pagpangabuso.
Giinsistir sa grupo, ang problema sa misogyny ug “macho culture” nagpadayon sa pipila ka mga newsroom, ug daghang mga insidente ang wala gihapon gitaho tungod sa kahadlok sa mga biktima nga mawad-an sa ilang mga trabaho, dili tuohan, o kaha mahimong maulawan.
Photo Courtesy: Rappler/ Dalet
