Misurender sa kapulisan ang usa ka Regional Level Most Wanted Person, nga giakusahan og duha ka kaso sa statutory rape sa Barangay Dallag, Arakan, Cotabato, niadtong Mayo 19,2026.
Giila ang akusado nga si alyas Chineng, asa boluntaryong mitungha sa Arakan Municipal Police Station, human maisyuhan og warrant of arrest tungod sa paglapas sa Republic Act No. 7610, nga gipagawas sa Regional Trial Court Branch 20 Tacurong City, Sultan Kudarat.
Human sa proseso sa pagsurender, giturn-over dayon siya ngadto sa Tacurong City Police Station, alang sa dokumentasyon ug hustong disposisyon sa korte.
Gipasidunggan usab ni PRO 12 Regional Director PBGEN. Arnold Ardiente, ang maayong koordinasyon sa mga operatiba nga misangpot sa malinawon nga pagsurender sa suspetsado.
