Proud nga gibida sa Cebuana Kapuso actress nga si Shuvee Etrata ang talagsaong katahom sa Bantayan Island atol sa “Sparkle Under the Sun” segment sa 24 Oras niadtong Lunes.
Gipasigarbo ni Shuvee ang puti nga baybayon, malinawon nga dagat, ug ang natural nga kaanyag sa isla nga maoy iyang yutang natawhan. Gipakita usab sa aktres ang ubang sikat nga destinasyon sa lugar sama sa Virgin Island nga nailhan tungod sa malinaw nga tubig ug nindot nga palibot.
Wala usab niya palabya ang nagkalain-laing aktibidad nga mahimo sa isla sama sa parasailing, ATV ride, ug ang mga exotic food nga paborito sa mga turista ug lokal nga residente.
Nailhan si Shuvee isip “Island Ate ng Cebu” tungod sa iyang morena beauty, natural nga charm, ug island vibes nga personalidad nga gihigugma sa daghang fans.
Photo Courtesy: GMA news
